Hnignunarspegill mannkyns
Halló!
Pæling..
Hvað ætli það séu margir að eiga í mökum á Íslandi núna?
Sumir mundu segja að það væri svona einn og einn...
En það getur nú ekki verið..
Frekar að það séu svona tveir og tveir...Hlýtur það ekki að vera?
Hugsanlega eru það svo þrír og þrír á víð og dreif...
Í stöku húsum er jafnvel hugsanlega um hopeknull að ræða..Má þá etv aftur segja að um sé að ræða einn og einn sem er að stunda hopeknull?
Humm...það er allaveganna slatti um það..svo virðist vera...
Bara svona að spá...
Bless!
Halló!
Með báða á jörðinni
Nokkuð hefur borið á duldum hjálparópum frá mönnum sem ég þekki. Menn hrópa angistarfullt á hjálp frá ýmsum hornum..og ég heyri. Ég veit vel hvað þarf...taug úr rasslinum þeirra sem tengist við jörðina og tosar rasslalinginn þeirra niður. Ég get reynt að koma fyrir tauginni og stjórnað henni.
SKO..það er langlanglíklegast, þó ósannanlegt sé, að við hér á jörðinni erum hérna fyrir einskæra tilviljun. Við erum bara tilviljanleg líf, líf sem þykist vera merkilegt og skipulagt.
HEHE..ég hlæ inní mér...mikið..HEHE.
Allt sem gerist er þar með stórt á litið skelfilega ómerkilegt og algerlega óþarft að láta hina ýmsustu hluti hafa mikil áhrif á sig.
Það er svosem ekki þarmeðsagt að maður megi ekki lifa í sinni blindni um æðri tilgang og yndislegleika ýmissa hluta..svona af og til allaveganna...
En allaveganna...tosiði bara aðeins í taugina niðurá við...ég skal hjálpa þér að tosa...
Bless!
halló
Metallica...huh...hvað er það? Eitthvað ofaná brauð? Nei alveg rétt...milliskítarokkband...gamalt...
Eru víst að koma til landsins...18000 manns verða þarna...
Gæti svosem verið að hnakkarnir fatti ekki þó þetta verði ömurlegt og skemmti sér...maður veit svosem ekki hvernig þetta verður
Ekki ætla ég allaveganna..hef ekkert með það að gera og þarf hvort eð er að vinna...
Bless
halló
Þarf að hreinsa til hérna
Það er að verða alltof mikið af fólki í heiminum...það ættu allir að vita. Það væri hægt að byra á því að losa okkur við þá sem eru of heimskir til að vita það
Svo þarf að setja af stað nefnd til að velja hverja skal losa sig við. Hellingur, böns, svakalegt magn af liði sem kemur til greina. Sennilega þarf að halda einhverjum fávitum eftir..t.d. til að eitthvað verði eftir af vitleysingum sem nenna ýmsu sem ég nenni ekki að telja upp..
Ég gæti hjálpað til við þetta..býð mig t.d. fram til að myrða þessa fávita sem eru með hús á leigu og virðast svo ekki vera á lífi eða til staðar á tímum sem um var rætt...
Ólíðandi.
bless
Halló!
Undarleg forsíða
DV er allómögulegt blað og er ég hissa á því að jafn vel gefinn og ágætur maður og Illugu Jökuls nenni að standa í þessu. Þó kíki ég stundum á þennan bleðil, svona í vinnunni þegar lítið annað er að gera. DV er líka þeim kostum búið að vera léttmeti mikið og varla að maður þurfi að vera læs til að lesa það. Auk þess þarf maður ekkert endilega að vera vakandi til að lesa blaðið, enda fyrirsagnirnar gjarnan í stíl skítablaðsins Heyrt og Slefað.
Forsíða DV í dag er sérstaklega undarleg að ýmsu leyti. Á henni eru kynntar "fréttir" um stelpuræfil sem þjáist af átröskun (bolimiu), aukinni ásókn í "fegrunar"aðgerðir og svo flennistór "frétt" um Nylon-bandið.
Eins og glöggir hafa tekið eftir hafði ég "" utan um orðið fréttir. Þetta eru nefnilega engar fréttir, bara eitthvað tuð. Helst má þó segja að fréttin um fegrunaraðgerðirnar sé næst því að vera frétt. "Fréttin" um stelpuræfilinn er ekkert slæm í raun, en á kannski betur heima í annarskonar blöðum. Flennistóra fréttin um Nylon er svo gersamlega útí hróa hött. Svona helvíti á heima í Heyrt og slefað og hvurgi annarsstaðar.
Það sem er svo einnig yndislega furðulegt við forsíðuna er einmitt hvernig fréttirnar stuða hvora aðra. Etv má segja að fréttirnar um fegrunaraðgerðirnar og bolimiu sjúklinginn hjálpist að við að segja Nylonstelpunum, Einari B. og öðrum sem við koma, að fara í rassgat!
Jamm..þetta Nylon-kjaftæði er auðvitað bara viðbjóður og er sennilega hápunkturinn á poppskelfingu landsins. Þar sem væntanlega allir þekkja mig sem lesa þetta nenni ég ekki að útlista hatur mitt á Nylon meir...og þó..
Ég renndi yfir viðtalið við Nylontussurnar, af hörku og með æluna uppí háls. Þetta eru fávitar. Að vera í Nylon er æðislegt og ömurlegt bæði í einu sýnist mér. Agalegt að vera frægur sko..svakalegt.. "Það var bara elt mig!" heyri ég hljóma. Samt er það svo frábært.. Hnakki og hégómi - er það samheiti? Oj, fullt af köllum á þörfinni að reyna við mann..viðbjóður...guð en ég er greinilega heitust! Dah! Jújú vafalaust fullt af köllum sem væru til í að taka ykkur, en vafalaust horfnir svo við fyrsta tækifæri. Nema etv ef líkur sækir líkan heim...
Úff..hættur þessu..er að verða svífandi ergilegur..
Bless!
Halló!
Fréttir fyrir fávita?
Hvaða heimska er það að hafa fréttir á öllum útvarpsstöðvum á hálftíma eða klukkutíma fresti? Er ekki bara kvöl og pína fyrir fréttamenn að reyna að fá einhverja nýja frétt, væntanlega helst á klukkutíma fresti? Frétt sem er það sæmileg að hún verði bara ekki vandræðaleg? Og svo fréttir í sjónvarpinu á RUV og stöð 2...
Hvaða rugl er þetta eiginlega?
Fyrir hverja er þetta? Er fullt af fólki sem hefur ekkert merkilegra að lifa fyrir en fréttir? Hvað er það?? Ég heyri ekki merkilegar fréttir nema bara svona rétt af og til...
Ég var að tala um að fréttamenn reyna alltaf að kreista fram nýjar og nýjar fréttir eins ört og mögulegt er. Ef það ekki tekst, OG hvort sem er, er bara SAMA fréttin sögð aftur og aftur og aftur og aftur...Ég næ vanalegast fréttum svona nokkurnveginn í fyrsta sinn takk fyrir...Þarf ekki að hlusta á fréttir 12 sinnum í útvarpinu og svo endurlifa tugguna á RUV og stöð tvö...Auk þess má benda á að í sjónvarpinu er "Í fréttum er þetta helst" endurtekið amk tvisvar.
Er gert ráð fyrir því að maður sé alger fáviti? Er þetta etv bara hugulsemi og víðsýni undir kjörorðinu "Fréttir - líka fyrir tornæma!"....
Bara svona að spá...
Bless!
Halló!
Það er ekki sama, Jón eða séra Jón...
Í dag mun fara fram sérstaklega undarlegur knattspyrnuleikur. Leikurinn mun fara fram í Manchester-borg ef ég man rétt, og etja þar kappi landslið Íslands og Englands.
Fyrir það fyrsta er það auðvitað augljóst mál að leikurinn kemur til með að vera afspyrnuleiðinlegur og í annan endann ábyggilega afar afknattspyrnulegur. Inná vellinum koma til með að vera 22 fullvaxta karlmenn eins og lög gera ráð fyrir. 12 þeirra eru afar hæfileikaríkir knattspyrnumenn. Því miður fyrir okkur Íslendinga er aðeins einn af þessum tólf í réttu liði, ef svo má segja. Sá maður heitir Eiður.
Restin af íslenska liðinu eru nefnilega ekki fótboltamenn, eða svo segja Englendingarnir amk. Þeir eru nefnilega í besta falli kickboxarar eða fjölbragðaglímukappar. Hafa Englendingarnir af því þungar áhyggjur, svo ekki sé sterkara að orði kveðið, að Íslensku fantarnir komi til með að beita óþverrabrögðum. Þeir muni sparka, slá, bíta, klípa og almennt meiða í þeirri von um að ná til boltans. Ensku liðsmennirnir hafa leitað til Eiðs okkar og beðið hann um að hafa hemil á íslensku villiberserkjunum.
Eiður er dagsfarsprúður piltur, svo vitað sé, og brást vel við óttaslegnum bænum Englendingana. Er það mál manna að Eiður hafi náð að miðla málum. Varnarmönnum íslenska liðsins er ekki heimilt að snerta á þeim ensku nema í algerri neyð og verða að reyna að vinna boltann með því að komast inná milli sendinga. Þetta verður semsagt svona reitaboltaæfing hjá varnarmönnum okkar. Það sem er einna bestu fréttirnar fyrir okkur eru þær að markverði okkar er heimilt að verja eins og hann getur...þó úthlaup séu auðvitað ekki leyfileg...
Sjálfur lofaði Eiður því að fara ekki í ruddalegt öxl-við-öxl samstuð við ensku varnarmennina, né sóla þá svo illa að blásaklausir varnarmennirnir snúi sig að ráði...
Jamm þeir ensku mega ekki meiðast svona rétt fyrir EM...Ég er að hugsa um að nýta mér þetta og veðja á leikinn á lengjunni...enda engin von á öðru en að leikurinn fari svona cirka 15-20 núll fyrir þeim ensku...
Bless!
Halló!
Káraorða!
Að þessu sinni fær ekki minni né ómerkari maður en Herra Ólafur Ragnar Grímsson, sjálfur forseti lýðveldisins, Káraorðuna!
Hana hlýtur hann fyrir að grípa til aðgerða þegar þess er þörf, lætur lýðræðið njóta sín þegar um vafasöm mál er að ræða.
Svo er það nú reyndar spurningin hvort lýðræði sé sniðugt yfir höfuð..enda mál manna að fólk/lýðurinn/sauðsvartur almúginn, sé yfirmáta sauðsvífandi vitlaust...þó þessir sömu menn vilji auðvitað ekki gangast við því að vera sjálfir í þeim flokki.. :)
..um það nenni ég nú ekki að tuða að þessu sinni...
Allaveganna, þrefalt skaðræðisóp fyrir Herra Ólafi: ÓP, ÓP, ÓP!!!
Bless!
Halló!
Aldrei sáttur...
Einu sinni var ég í leikskóla. Ég er alveg viss um að þegar þeim tíma lauk var ég hæstánægður.
Einu sinni var ég í grunnskóla. Var nánast bókstaflega svífandi sáttur þegar því var lokið og niðurstaða samræmdu prófanna lágu fyrir.
Einu sinni var ég í framhaldsskóla. Ég var allvel feginn því þegar því lauk.
Nú fer að sjá fyrir endann á háskólanámi mínu, amk. í bili. Ég hlakka óneitanlega svolítið til þess...
Maður er svoddan DJÖFULSINS FÁVITI!
Þegar leikskólaárum mínum lauk hefði ég átt að leggjast í djúpt þunglyndi...HALLÓ núna ferðu ekkert í skólann til að LEIKA þér heldur til að LÆRA. Í skólanum er gaman, þar læra allir saman...DJÖFULS BULL! Í leikskólanum er gaman, þar leika allir saman...frekar amk..
Svo lauk grunnskólanum...maður var ekki fyrr hættur að fagna lokum þar þegar maður sá villu síns vegar. Í framhaldsskólanum þarftu nefnilega að opna helvítis bækurnar og svona rúmlega það til að ná prófum...DA! HA!?!?! Alveg gapandi bara...datt ekki í hug að slíkur þrældómur væri enn við lýði í heiminum...
Sem betur fer get ég hrósað mér aðeins fyrir það að hafa vitkast örlítið þegar ég var að klára stúdentin. Ég var nefnilega ekki alveg viss um að það væri svo frábært...Samt...heimskan hélt svolítið áfram...háskólanámið var dulítið kikk ef svo má segja...Svolítið lúmskt því ég gerði bara eins og alltaf...lærði þangað til ég var viss um að ná...vaknaði svo upp við vondan draum..búinn að læra í marga daga fyrir sama helv. prófið!
Og nú fer maður væntanlega að vinna áður en langt um líður...guð hjálpi mér, ef hann er til, ef reglan heldur...guð hjálpi mér...
Kannski maður læri faðir vorið í hjáverkum næsta vetur...
Bless!
