Halló!
Niðurstaða:
Undirskriftarkonan Ég Fjölmenningarsinninn
Spurning 1 Nei Nei Já
Spurning 2 Nei Já Já
Spurning 3 Nei Nei, ekki innan míns samfélags Já
Spurning 4 Nei Nei Já
Spurning 5 Já Nei Nei
Ég er auðvitað sannfærður um að ég hafi svarað réttast. Ég lendi þarna á milli undirskriftarkonunnar og fjölmenningarsinnans. Úr þessum svörum má lesa afar skemmtilega niðurstöðu sem færir um leið rök fyrir því að ég einn hafi svarað spurningunum þannig að ekki horfi til vandræða. Undirskriftarkonan er hreinlega að skrifa undir það að vera rasisti. Einnig er hún greinilega á því að aðeins hennar menning sé rétt eða réttlætanleg. Afstæði menningar er semsagt ekki samþykkt. Þarna er ég alfarið ósammála. Hún tekur hinsvegar undir það með mér að fjölmenningarsamfélag gangi ekki upp, þó ég færi rök fyrir því á annan hátt. Ég segi nei við spurningu 3 eins og undirskriftarkonan, en geri mér ljóst að ég gæti þurft að beygja mig við vissar aðstæður (þó ég gæti e.t.v. samt sem áður stolist í íslenskan lakkrís..). Það er ekki síst skemmtilegt að skoða svör fjölmenningarsinnans. Hann er greinilega á því að umskurður kvenna sé jafnrétthár og hvað annað. Ég sé fyrir mér skelfilegan fjölskylduharmleik þegar fjölmenningarsinninn, segjum kona, er búin að giftast múslímskum innflytjenda og hann búinn að umskera dóttir þeirra (þetta er engin gróteska, þetta hefur gerst í hinum víðsýnu og frábæru bandaríkjum norður-ameríku). Hann svarar spurningum 2 og 3 með já-i, og er ég sammála honum hvað varðar spurningu 2. Spurningu fjögur svarar hann hins vegar með já-i, sem er jafnfáránlegt og dæmið sem ég nefndi. En það er a.m.k. ekki hægt að klína rasisma upp á fjölmenningarsinnann! Ja, eða hvað? Er þetta viðhorf ekki samfélagslega eyðileggjandi? Fordómar gagnvart gervöllu mannkyni??
Ég neita því a.m.k. alfarið að ég sé rasisti, það er hugsunarleysi, rökleysa og vitleysa að halda því fram.
Bless!
Halló!
Fjölmenningarleg þvæla og heimskukraftur múgsefjunarinnar
Barátta margra minnihlutahópa eða kúgaðra hópa hefur staðið, og stendur sennilega enn, sem hæst. Ég veit ekki betur en það sé bara mjög gott að flestu leyti. Það er hinsvegar eitt varðandi þetta sem fer afar mikið í taugarnar á mér. Það er ,,heimskukraftur” múgsefjunarinnar. Þegar alvarleg baráttumál eru komin á fleygiferð inn í umræðuna og verða móðins fer af stað gríðarleg múgsefjun. Menn verða t.a.m. allt í einu svo svakalega ofboðslega mikið ,,með” þessu eða á ,,móti” hinu. Rökin virðast hinsvegar alltaf verða eftir einhvers staðar. Menn eru bara ,,á móti” og krota nafn sitt á undirskriftarlista af eldmóði og ákefð. Þeir sömu geta svo e.t.v. ekki svarað spurningunni ,,af hverju” öðru vísi en með stami og hiksti. Geta í besta falli stunið því út úr sér að þetta finnist öllum. Láta kannski fylgja í kjölfarið ,,hva! Ertu alveg stoned? Það eru ALLIR á móti þessu! Það verður bara að breyta þessu!”. Þetta minnir oft á helstu og algengustu rök unglinga; ,,MAMMA! Það eiga ALLIR sona nema ég!!”. Ég er ekki að segja að gersamlega allt þurfi að styðjast við stíf rök. T.d. er frekar ljóst að gulir hljóta að vera menn eins og hvítir og eigi að hljóta sömu réttindi. Þeir eru augljóslega t.a.m. ekkert verri þó þeir borði mikið af hrísgrjónum.
Það er hinsvegar margir ,,smámunir” sem geta flækt þessi mál svolítið. Þessir ,,smámunir” gera það að verkum að gæta þarf sérstakrar varúðar og leita skal lausna eða niðurstöðu að ígrunduðu og rökstuddu máli.
Ísland er alltaf að verða nær því að verða svokallað ,,fjölmenningarlegt” samfélag. Fólki af erlendu bergi brotnu fjölgar sífellt. Þeir sem eru allra bjartsýnastir halda varla vatni yfir þessu vegna þess að þetta er svo yndislega frábært. ,,VEI! Fleiri asískir veitingastaðir”! Fólki getur varla verið alvara með svona röksemdarfærslu. En jæja. Hér er lausn á málinu:
Fjölmenningarleg kennsla gerir ráð fyrir viðurkenningu á fjölmenningarlegu samfélagi og gagnkvæmum lærdómi fólks af mismunandi uppruna hverju af öðru. Fk. er alltaf kennsla gegn kynþáttahatri.
Eitt mikilvægasta verkefni fk. er að gera sér grein fyrir og vinna á eigin fordómum og vilji til að endurmeta viðmið sín og gildi. Þannig gerir fk. t.d. ráð fyrir að hver um sig geri ráð fyrir afstæði eigin menningar.
(frá ICI, intercultural Iceland)
Það á semsagt bara að kenna á fjölmenningarlegan hátt og breyta samfélaginu örlítið! Ég vil taka þrjú atriði út úr þessum setningum: 1. viðurkenning á fjölmenningarlegu samfélagi. 2. endurmeta viðmið sín og gildi. 3. afstæði menningar.
1. Fjölmenningarlegt samfélag bíður upp á margfalt siðgæði. Frábært.
2. Það sama og 1. Einnig veit ég ekki hvernig á að verja íslenska menningu ef við tökum upp allt önnur viðmið og gildi svona annan hvern dag...eða hvernig sem þetta á að verða??
3. Ljóst er að ef við samþykkjum fjölmenningarlegt samfélag þarf að viðurkenna afstæði menningar. Margs konar viðmið og gildi þurfa því að líðast í samfélaginu, sem leiðir til nr. 1., þ.e. margfals siðgæðis.
Málið er semsagt það að ef þessar vafalaust vel meintu hugmyndir verða að veruleika að öllu leyti er það einkum siðgæðið sem verður undarlegt í meira lagi (látum ,,smámuni” eins og ómetanlega menningu landins/landa liggja á milli hluta!).
En hvað með það? Er það ekki bara í fínu lagi að láta margfalt siðgæði gilda í sama samfélaginu? NEI! Það er ekki í lagi. Við grípum til dæma. Ég heyrði viðtal í útvarpinu um daginn við einhverja konu sem var að safna undirskriftum! Hún gerði sér vonir um að hver og ein einasta kona á landinu sem vettlingi gæti valdið myndi skrifa undir. Það sem hún vildi fá íslenskt kvenfólk til að skrifa undir var staðfesting á því að umskurður kvenna væri bara hrottaskapur og kvikindisskapur. Rangt! Alfarið! Stöndum saman gegn umskurði kvenna! Jamm. Gott og blessað, vafalaust margar sem hafa skrifað undir þetta af eldmóði og ákefð. ,,SKO, ég ætla að leggja mitt af mörkum til þess að bæta heiminn og skrifa undir!”.
Þessi blessaða kona kynnti þetta framtak ekki rétt að mínu mati (þó svo að ég sé sammála henni að sumu leyti og í stærra samhengi eins og fram mun koma). Það er nefnilega sumstaðar hefð og ríkjandi viðmið og gildi að umskera konur. Það er menning. Það er hinsvegar ekki þannig á Íslandi. Umskurður er hreinlega stranglega bannaður á Íslandi og varðar lög. Það er hreint og beint ofbeldi. OG AUÐVITAÐ SKRIFA ALLAR ÍSLENSKAR KONUR UNDIR ÞAÐ AÐ EKKI MEGI UMSKERA KONUR Á ÍSLANDI! DA! En eins og ég skildi þessa blessuðu konu var hún að safna undirskriftum þess efnis að Íslenskar konur ,,brytu odd af oflæti sínu” og skrifuðu undir ,,ég er á móti umskurði á alheimsvísu”. Það er allt annað mál og munurinn þarf að vera ljós og kristaltær svo þær konur, sem hugsa, geti tekið rökræna afstöðu.
Ég við biðja þær ágætu konur sem þetta lesa, og einkum þær sem skrifuðu undir fyrrnefndan lista, að svara eftirfarandi spurningum af samviskusemi. Einnig skulu fjölmenningarsinnar svara:
1.Viðurkennir þú fjölmenningarlegt samfélag?
2.Ert þú tilbúin til þess að viðurkenna afstæði menningar?
3. Ertu tilbúin til þess að endurmeta viðmið þín og gildi?
4. Ert þú í stakk búin til þess að lifa í samfélagi með margföldu siðgæði?
5. Ertu rasisti?
Svör undirskriftarkonunnar, mín svör og fjölmenningarsinnans verða ekki eins. Það er ljóst. Lesendur geta skemmt sér við það að finna út svörin - og svara sjálfir. Niðurstöðu er að vænta í næsta pistli.
Bless!
Halló!
Dimebag Darrell...
..hefir verið veginn...
Rokkarar landsins! Ég mæli með klukkutíma þögn til að minnast hans. Svo skal hver og einn botna uppáhalds lagið sitt með Pantera.
Bless!
